مفيش حاجه اسمها حب
ايوة مفيش حاجه اسمها حب..ايه غريبه دي؟
ايوة لاننا عايشين في زمن الاسود والنمور والصقور وجميع الحيوانات اكلى اللحوم لامجال للحيوانات الاليفه
فعلا والله
يعنى لو واحد حب بنى ادم اوى وحسسه انه كل حياته وفجاه البنى ادم ده طمع فيه وبقى ياخد ياخد
ياخد من غير حدود ومايديش اى حاجه في الحاله دي البنى ادم الغلبان اللى بيدي ده يعمل ايه
هل يستمر في العطاء؟
ولا يبطل يحب؟
ولا يحب مع بعض المحظورات؟
ولا يحب بعقله؟
ولا يعيش وخلاص من غير قبل واهو عايش؟
ولا ياسلام كمان لما يقعد يدي كده ويوم ما يبطل يدي يبقى هوه غلطان انه معتش بيدي ويبقى حق مكتسب للطرف التانى انه لازم يدي
هيه عمليه حسابيه معقده اوى بس والله احسن ان مايكونش فيه حب
انا نظرتى مش سوده بس ده عن تجربه
نفسي حد يرد عليا
هناك 9 تعليقات:
الحب أخذ وعطاء
ماينفعش ان حد يدي علي طوووووووول
ولا حد ياخد علي طوووول
كده المعادله تبوظ
الحب موجود
ومهما عدينا بحاجات صعبه او اليمه في حياتنا
فهي دايما بتكون لحكمه وبتكون عشان تعملنا حاجه هنستفيد بيها بعد كده
اوعي تسمحي لحد انه يغير منطورك للحياه ولا للحب
لأنه ساعتها بس هيكون قدر انه يهزمك
واكيد هتلاقي حد يعرف قيمتك ويقدرك
الحب غلطه الحياه التى لا تغتفر
حزينه
اسراء قالت اللي مفيش حاجة بعده تتقال
غير اني لو حبيت اتكلم في الموضوع ده بالذات لازم الرقابة تقطع رايي في التعليق ده
انسي...اللي ميقدركيش يا مشمشة ميستاهلش تفكري فيه اصلا
السلام عليكم ورحمة الله وبركاته .
أختي ، خذي مني هذه النصيحة وهي ألا تعطي قلبك إلا لمن يستحق ، وهو من سيكون زوجك بإذن الله ، فهو أحق الناس بكل ما يحويه جسدك .
ليس كل من يحب يمكن أن يتزوج أو يصلح للزواج ، فبدل أن نفكر في الحب أولا ، يمكن أن نفكر في الزواج أولا ، فاجعلي هذا هو منهجك والسلام ختام .
بصراحه الأنانيه غلبت على كل حاجه في حياتنا
وكل الناس عايزه تاخد ومتديش
المشكله ان شويه البنى ادمين الى فضلين
برضو لازم يحبوا هى دى طبعيهتم
حتى لو حبوا حيوانات مفترسه او متوحشه
بس لازم يحبوا
لانهم جبلوا على العطاء والمنح
كلامك بيقول مافيش حب
لكن بين سطورك بيقول الحب مالى الدنيا كلها
تحياتى
هارغي
طبعا هناك حب
لكن ليست تجاربنا الفاشلة هي ما يحدد الظواهر
إن كانت فاشلة أو لا
عموما
أتمنى لك النجاح في الحب القادم
كل سنة وأنت طيبة
تحياتي
سهرت أعين ، ونامـت عيـون ... في أمـور تكـون أو لا تكـون
فادرأ الهم ما استطعت عن النفس ... فحملانـك الهـمـوم جـنـون
إن رباً كفاك بالأمس مـا كـان ... سيكفيك فـي غـدٍ مـا يكـون
(^_^)
اكبر غلطة يغلطها اللى بيحب انو يفتكر ان الحب انك تدى بس من غير ما تاخد بس الفكرة اللى انا عايزة اركز عليها مش فكرة الاخد والعطاء لا انا عايزة اتكلم فى موضوع تانى .
وهى فكرة انك تكون فارق مع الحد اللى بتحبه اذا لم تشعر بفارق حبك ومدى تأثيره فى حياة من تحب او تشعر بمدى احتياجه اليك فتمرد على وضعك اما لتشعره بمدى اهميتك فى حياته وانها بدونك لا شىء او لتشعر نفسك انت بأنك قد احببت من لا يستحق عظمة حبك .
والكلام دا مش بس فى حب الحبيب لا وفى الصداقة وفى العلاقات الاجتماعية بينك وبين الناس لازم تحس انك تفرق فى حياة الطرف الاخر وان حياته بدونك سينقصها الكثير ...
فلا تقبلى بأن تكونى ككتلة مهملة فى حياة احد فمابالك لو كان حبيب
فالحب اروع شىء بالوجود هو تلك العلاقة التى يجمع طرفيها نفس المشاعر فاذا امتنع احدهما عن هذا الحب وجب على الطرف الاخر ان يستعيد هذا الحب او ينسحب ولكن لا يقبل ابدا بأن يظل هكذا يعطى بلا اخد لانه لابد ان يأتى عليه اليوم الذى ينضب فيه فقد اعطى كل ما لديه ولم يبقى لديه شىء يعطيه .
ارق تحياتى لقلمك وحقا استمتعت برحلتى الى عالمك .
دمتِ بخير .
إرسال تعليق