طبعا انا غايبه بقالى كتيييييييييييير اوى وانا عارفه بس والله بتابع مدونات كتيره اوى اوى والسبب انى شايفه حاجات المجتمع بيصر عليها او بمعنى اصح حاجات نص المجتمع بيصر والنص التانى لا..طيب ويبقى اسمه مجتمع ازاى ؟؟ اللى اعرفه ان المجتمع يعنى ناس بتجتمع على حاجات واحده يعنى في العادات والتقاليد والاخلاق,بس اللى بيحصل دلوقتى معتش ينفع اللى احنا عايشين فيه ده يبقى اسمه مجتمع خالص عشان كده العنوان بتاع البوست ده مناسب اوى للموضوع اللى انا عايزة اتكلم فيه(ليييييييييييييييييييييه)
- ليه نص المجتمع بيتفق انه لازم شرط للجواز يكون العريس شهاده عاليه لو العروسه شهاده عاليه والنص التانى مش فارقه معاه؟
- ليه نص المجتمع بيتفق انه لازم شرط للجواز يكون العريس شهاده عاليه لو العروسه شهاده عاليه والنص التانى مش فارقه معاه؟
-ليه نص المجتمع بيتفق انه لابد من وجود الشقه والنص التانى برضه مش فارقه معاه؟
-ليه نص المجتمع بيتفق انه لازم يكون العريس زمته خالصه يعنى مكانش متجوز ولا مطلق حتى لو معندوش اولاد والنص التانى برضه مش فارقه معاه؟
-ليه نص المجتمع بيوافق على انه عادى ان الواحده تتجوز حتى لو كانت متجوزة قبل كده من واحد مكانش متجوز خالص والنص التانى بيرفض ده؟
-ليه نص المجتمع بيوافق على انه عادى ان الواحده تتجوز حتى لو كانت متجوزة قبل كده من واحد مكانش متجوز خالص والنص التانى بيرفض ده؟
-ليه نص المجتمع بيرفض حتى الارتباط بواحده كانت مخطوبه قبل كده والنص التانى مش فارقه معاه؟
-ليه نص المجتمع بيتفق على وجود القايمه والنص التانى لا؟
-ليه نص المجتمع بيتفق على وجود مؤخر صداق كبير وقايمه حلوة كده مكلبظه والنص التانى بررضه مش فارقه معاه؟
-ليه نص المجتمع بيتفق على انه لابد من تطويل الخطوبه عشان العروسين يعرفوا يتفاهموا والنص التانى لا؟
-ليه نص المجتمع بيتفق على انه البنت ملهاش غير بيتها وعيالها وبيرفض شغلها والنص التانى بيقول لا اهم حاجه الشغل الاول وبعدين الجوز والعيال جنب الشغل؟
-ليه نص المجتمع بيوافق على اقامه بنتهم في شقه حماتها او حتى في شقه جنب حماتها والنص التانى بيعرتض بشده؟
-ليه نص المجتمع بيوافق على ان لازم العريس يكون له وظيفته الثابته(مع استحاله ذلك طبعا)والنص التانى بيقول اى شغلانه والسلام؟
-ليه نص المجتمع بيوافق على انه مش مشكله بيشتغل ايه المهم الشقه والنص التانى بيقول لا المهم بيشتغل ايه ومش مشكله الشقه؟
-ليه نص المجتمع بيوافق على لازم يكون الفرق بين الولد والبنت صغير والنص التانى مش فارقه معاه؟
-ليه نص المجتمع بيرفض ان البنت تكون اكبر من الود والنص التانى لا؟
ويبقى السؤال مين فيهم صح ومين فيهم غلط؟
ومين الضحيه في كل ده؟
واحنا نمشي على اى نهج منهم؟
وعقبال عندكم جميعا وابقوا قابلونى لو اتجوزتوا
هناك 13 تعليقًا:
المجتمع هو عبارة عن اجتماع عدد من الناس اللى بتربطهم علاقات و مصالح .. يعنى مجتمع جايه من اجتماع الناس مع بعض مش اجماعهم على رأى واحد
بالنسبه للاسئله اللى انتى سألتيها كلها صح بس اجابتها اننا كبشر ماقدرناش كلنا نجتمع على وجود ربنا و هتلاقى مسلمين و مسيحين و يهود و ناس بتعبد النار و البقر ... يبقى تفتكرى كلنا هنجتمع على اجابه واحده للاسئله اللى انتى سألتيها
بيتهيالى ان كان عندك مدونه قبل كدا بنفس الاسم وقفلتيها
ولا انا غلطانه؟؟
لانى كنت متابعه المدونه دى قبل كدا
السلام عليكم
انا مع النص الاخرانى اللى مش بتفرق معاه اى حاجة ده طبعا لانى بنت ونفسى اللى هيجيلى وامه تكون داعية عليه ميطلعش عنيه مع البيت
واعتقد ان النص الاولانى غلط عشان لييييييييييه
دمتى مبدعة
هو الصح والغلط حاجة نسبية, لكن رأيى ان الواحد يعمل اللى مقتنع بية وميسبش لا مجتمع ولا ناس يأثروا علية لانه هو لوحدة اللى هيتحمل نتيجة قرارة, بس ياريت كل واحد يعرف ويحدد هو عايز ايه بالظبط.
سلام
عايزة اقول على حاجه معلش المجتمع هوه اللى بتربطهم علاقات ومصالح وافكار وعادات امال ازاى بنقعد نقول مجتمعنا بيرفض وعاداتنا وتقاليدنا بتقول وكل الكلام الحلو ده....
ميرسي ليكي اوى على الزياره
ايوة يا انا حرةكان بنفس الاسم وكان مدونتى برضه بس قفلتها لظروف قهريه ولما الحمد لله غارت الظروف دي بدات اكتب تانى وبنفس الاسم وعلى فكره الاسم ده انا دلوقتى حاساه اوىىىىىىىى اكتر من اى مره
يارب تتباعى مدونتى تانى
وشكرا ليكي على اهتمامك
ده انتى اللى مبدعه يا حبيبتى
والنبي ياختى انا نفسي اكون من اللى مش بتفرق معاه عشان اغور بقى واتجوز بدل الركنه دي
بس للاسف انا من النص الاولانى قويليلي بقى اعمل اييييييييييييه؟
معاكى حق مليون في الميه بس المشكله اننا مش عايشين لوحدنا يعنى بتحكمنا عادات بس للاسف العادات والتقاليد دي بقيت للاسف للاسف متغيره
طيب بيتهيالى على مااذكر يعنى انك كنتى اتخطبتى باين
ايه حصل بقى
الاختلاف فيه رحمه لولا تعدد الاراء و الازواق لبارت البضائع مثل قديم قوى
الموضوع ده في عوامل كتير بتأثر فيه مش عامل واحد ولا اتنين لكن ممكن نقول إن أكثر العوامل تأثيراً هو
- الاعلام
- الظروف الاقتصادية
- الاعراف
- الظروف الاجتماعية للأسر كل على حده
يعني الاعلام غير مفاهيم كتير ونشر الفكر المادي بين الناس بدون شك والظروف الاقتصادية الطاحنة لمعظم الاسر تؤثر على قراراتهم أكتر من افكارهم ... والأعراف بتحكم احياناً رغم كل المآسي (اعرف واحد راح يخطب واحده قالوله لازم تجيب ربع كيلو دهب زي ماجوز بنت عمها جاب .. طبعاً كانت آخر كلمة سمعها منهم ) كمان المعتقدات والظروف الاجتماعية للاسرة والمستوى المادي يضع شروطه ... ولأننا مجتمع لا يحكمه دين أو عقل ستجدي هذا التباين الرهيب لدى الناس
الدهر يومان ذا أمن وذا خطـر ... والعيش عيشان ذا صفو وذا كدر
أما ترى البحر تعلو فوقه جيف ... وتستقر بأقصى قاعـه الـدرر
وفي السماء نجوم لا عداد لهـا ... وليس يكسف إلا الشمس والقمر
(^_^)
بصى انا هقولك على حاجة انا مش مختلفة معاكى فى الكلام اللى قولتيه بس النص اللى مش فارق معاه دا نص مكبر دماغه عايش بمبدأ احيينى النهاردة وموتنى بكره ودا نص ايدك منه والارض .
اما النص اللى بيفرق معاه دا هيتقسم لنصين .
الاول اللى بيفرق معاه من خلال موقف استغلالى ودا موقفه واضح يبيع الدنيا عشان المصلحة والقرش قلت معرفتة احسن .
والنص التانى اللى بيفرق معاه عشان حاسس ان مينفعش نعيش الحياة سبهلله لازم نتعب عشان نرتاح قدام والنص دا على قد صبره وتعبه فى التفكير الا انه بيلاقى فى الاخر ويا بخته بجد لو كان عايش وسط ناس تنتمى للنص دا بجد هيرتاح فى حياته جدااا .
مدونتك جميلة بجد وان شاء الله متكونش الزيارة الاخيرة
ارق تحياتى ودمتِ بخير .
إرسال تعليق