مفيش حاجه اسمها حب

مفيش حاجه اسمها حب

ايوة مفيش حاجه اسمها حب..ايه غريبه دي؟

ايوة لاننا عايشين في زمن الاسود والنمور والصقور وجميع الحيوانات اكلى اللحوم لامجال للحيوانات الاليفه

فعلا والله

يعنى لو واحد حب بنى ادم اوى وحسسه انه كل حياته وفجاه البنى ادم ده طمع فيه وبقى ياخد ياخد

ياخد من غير حدود ومايديش اى حاجه في الحاله دي البنى ادم الغلبان اللى بيدي ده يعمل ايه

هل يستمر في العطاء؟

ولا يبطل يحب؟

ولا يحب مع بعض المحظورات؟

ولا يحب بعقله؟

ولا يعيش وخلاص من غير قبل واهو عايش؟

ولا ياسلام كمان لما يقعد يدي كده ويوم ما يبطل يدي يبقى هوه غلطان انه معتش بيدي ويبقى حق مكتسب للطرف التانى انه لازم يدي

هيه عمليه حسابيه معقده اوى بس والله احسن ان مايكونش فيه حب

انا نظرتى مش سوده بس ده عن تجربه

نفسي حد يرد عليا

هرتله اخر اليل

عيد يعدى عليا السنه دي ..عيد من غير اصحاب من غير اى حد من غير اى حاجه تملى على الواحد وحدته

العيد مايبقاش عيد الا بالفرحه والبهجه والصحاب والقرايب لما يفرحوا ويضحكوا وينسوا همومهم مش كل واحد ملهى في حياته ويادوب لو افتكر يعيد على اهله برساله على الموبايل ويبقى كده هوه عمل اللى عليه

كان عيد وحش وحش وحش

غير الاحساس اللى انا حاسه به علطول ومش عارفه اتخلص منه ازاى وهو احساس الوحده القاتله
لما تحس انك عايز تتكلم ومش لاقي حد تتكلم معاه

لما تحس انك عايز تضحك وتهزر ومش لاقي الفرصه انك تغير من مودك او تلاقي اللى ينسيك همومك

لما تحس انك في حاجه انك تشكى همومك ووجعك لحد وبرضه متلاقيش اى حد تشكيله

الناس بقيت وحشه اوى اوى كده ليه

ليه الناس اتلهت في الدنيا وبقوا يحسوا انهم لوحدهم في الدنيا دي

الدنيا دي وحشه اوى

لما تكون من غير صديق او اى حد يقف جنبك في شدتك وخنقتك تبقى وحشه اوى ومتستحقش انها تتعاش

"الوحده بتقتلنى"

الوحده بتقتلنى ولا حد بيسالنى انت عامل ايه مجروح مين جرحك تعبان مين تعبك وحبايبك ناسينك ليه لا قريب ولا صاحب يسمعنى ولا حضن حبيب بقى بيسعنى مش قادر اتحمل واصبر وانا كل الناس بتودعنى ببكى ولا فيه ايد تتمد تمسح دمعتى من على الخد ليه كل ما الفرح يجينى في دقيقه الاقيه يتهد حرام اعيش لوحدى وسنين العمر تجري في عذاب ملوش نهايه افضل عايش في وحده وعذاب ودموع وغربه ولا قادر اقول كفايه

ولا حد بيفكر فيا يجي يسال لو مره عليا يجي يصبرقلبي و روحى على الوحده اللى بتقتل فيا سايبنى لوحدى بتالم مش عارف مع مين اتكلم مش لاقي انسان اشكيله وفي حضنه ابكى واطمن

كوووووووووووووووووووووووووووووول

في الحقيقه شخصيه هيثم دبور شخصيه اول ما طلعت كانت بتعبر عن الشباب الروش طحن الكول الفافي اللى مالوش دعوة بحاجه ابدا غير الروشنه والموضه والكلام اللى مالوش معنى وطلع في مسلسل تامر وشوقيه"ايه ده هوه انا بعمله سيره ذاتيه ولا ايه" المهم طبعا كلكم عارفينه

بس انا بصراحه معجبنيش ابدا في الفيلم لاستخدامه الفاظ خارجه جدا بدعوة انها روشنه او مادام مش بيقولها بالعربي خلاص تبقى كويسه وبرضه مش كل شخصيه هتظهر في مسلسل او في فيلم او واحد عابر سبيل بيمشى بطريقه عجيبه قدام الكاميرا قدام الممثل هنجيبه ونقوله يمشيها تانى ونعمله فيلم يفضل البطل فيه ماشي مشيته العجيبه ونقول اصله كاراكتر

انا مابقولش ان دمه مش خفيف بس عمر ما كانت البذاءه كانت الحل عشان نعمل حاجه تضحك...مش كده ولا ايه؟

كلام فارغ اوى

الحب : كلام فارغ

الإخلاص : كلام فارغ

الوفاء : كلام فارغ

التضحية : كلام فارغ

الجواز : كلام فارغ اوى

..

..

..

..

الدنيا: كلام مليان كلام فارغ

وادينا عايشين اما نشوف اخرتها معاكي يا دنيا